LU MA PAISI

 

Lu ma paisi chinu di genti comu na vota ora nun c’è ‘cchiu.

Carusi ca travaglianu nun ni vidi.

Quarcunu ca c’è, studia e già si senti pruvissuri

e nun si cala pi travagliari.

Pua c’è so patri e so matri.

Diu ci ni libera, lu carusu nun si tocca pi travagliari.

Ci fannu fari la vita di lu re:

la motoretta, la machina sportiva e la sigaretta.

Lu telefoninu ca parla a chi ura e ghè.

Avi l’aria stu carusu di lu conti Sguizzaro, mi diciva la ‘Zza Pippineddra

mancu mi saluta ed è figliu di ma frati.

Lu ma paisi pari nu campusantu. Nun cammina nuddru:

quarchi vicchiareddru assittatu ni la banchina.

Chi malinconia veni.

Chi vaneddri limpidi e aspartati; passanu sulu machini e motoretti.

D’estati nun si po assittari ‘cchiù davanti la porta

ca lu fiatu di la benzina ni voli muarti.

Lu ma paisi avi na beddra chiazza:

unica e sula pi ‘mmia in tuttu lu munnu.

Na vota pi la festa di San Giseppi e lu Rusariu ,

la chiazza si anchiva tutta di genti di parrocchi e di …….. di tutti li maneri.

Quantu picciliddri affirrati a la manu di li nonni.

Comu eranu contenti.

Vulivanu accattati la pupa, lu cavaddruzzu e la cubata

…………………………………………………..

e la prucissioni e chiddra ‘cchiù sentita.

Passa lu santu pi li vaneddri

e ci fa unuri lu suanu di la banna e di li tammurina.

Pua si fa notti e spara lu castiaddru: cu botti, bummi e mortaretti

ca ‘ntona tuttu lu paisi cu battiti di mani

e buonanotte.

A Montedoro

Oh Montedoro radioso e bello

Ai cieli aperti di sole amanata

Tu che brilli tra un colle come stella

E ridi della beltà e bellezza

Che Dio ti ha data

Anonimo