SALVATORE EQUIZZI
  Poesie in dialetto siciliano

 

Salvatore Equizzi nacque a Palermo il 13 agosto 1907 ed ivi morì il 19 dicembre 1964.
Nel 1937 circa pubblica un poemetto in dialetto siciliano intitolato " Primavera " (ora introvabile), per il quale riceve elogi dal Sen. Poeta G.A. Cesareo, dal Doti. Vincenzo De Simone, il poeta di Villarosa, nonché dai poeti Rosario Di Vita di New York ed Emilia Ruisi di Palermo e da altri uomini di cultura del tempo. " II popolo di Roma " del 26 ottobre 1937 pubblica un articolo intitolato "Salvatore Equizzi il fioraio poeta "; recensendo il suddetto poemetto, elogia l'autore e si sofferma in qualche verso.
Alla sua morte il "Po' t'u cuntu ", foglio quindicinale di poesia dialettale siciliana, diretto dal Poeta Peppino Denaro, esterna il cordoglio della famiglia dei poeti dialettali, pubblicando l'annuncio con il titolo " L'usignolo palermitano è morto ".


                                                                           

                LA CIVATA

La passaredda torna a la nidata
purtannu nni lu pizzu la civata:
L'ucchiuzzi so su calici d'amuri
unni cc'è tuttu lu maternu arduri.

Torna la passaredda apprimurata,
l'ala cci trema tantu è 'nnamurata!
Tuttu lu paraddisu ca la chiama
l'havi ammucciatu 'nmenzu di na rama.

Arriva, posa, la ramuzza trema,
li passareddi sannu lu sistema,
allonganu lu coddu, fannu cciu
e parinu 'nfudduti pi lu priu


    FOCU D'ESTATI

Sutta la vampa di lu suli ardenti
cripìa la terra, e tutta la natura
cu l'occhi stralunati pi l'arsura
pari ca cchiù nun vidi e cchiù min senti.

L'aria 'nfucata trimulia, si senti
'nsinu nni l'ossa l'anfa e la calura,
sulu quarchi cicala 'un si nni cura
e pari ca facissi strudimenti.

lu nni stu 'nfernu, vivu senza vita,
comu un dannatu tiru cu li denti
lu pisanti carrettu di la vita.

E 'nmenzu a tantu focu e a tanta luci,
moru e arrivisciu tutti li mumenti,
comu lu Nazzarenu misu 'ncruci.


          LA BEFANA

Dumani è la befana; è la gran festa
addisiata di li picciriddi
e ogn'unu già smania nni la so testa
pi cavadduzzi, strummuli, pupiddi,
sciabuli, treni e ci pari mill'anni
l'ura ca ponnu fari cosi granni!

E li me' figghi, animi nnuccenti,
oduri santu di la vita mia,
hannu fuddatu dintra di la menti
tuttu chiddu ca cc'è nni la putia,
e cu pinsera di centu culura
cci parinu mill'anni quannu scura.

Pirchì sannu, 'nnuccenza di li figghi,
sannu chi a menzanotti la befana
trasi cu li so centu maravigghi
di lu pirtusu di la pirsiana:
di ddu pirtusu ca lu nicareddu
lu vuleva allargati c'un cuteddu!

Quannu è dumani li me' picciriddi
mi ristirannu affritti e scunsulati,
nni dd'occhi di nnuccenti muti e friddi
quantu sònnura d'oru sdirrubati!


        LA CULLANA

Pi fari o bedda na cullana a tia,
digna di tia ca si la me furtuna
sfirrai pi 'ncelu, cu la fantasia,
e ghivi cchiù luntanu di la luna.
Dda fici un nastru cu la ciamma mia,
li megghiu stiddi cci 'nfilavi a cruna,
ddoppu pigghiai lu suli ca nascia
cci l'appinnivi e ti fici patruna.


          SPARTENZA

Vola lu trenu, vola e pari a mia
c'avissi l'ali e tagghirria li venti,
pirchì mi porta luntanu di tia,
di la me casa e di li mei parenti.

Vola ca vola, ed iu di la finestra
viju girari Parvuli luntanu
e ciancu ciancu lànnari e ghjnestra
'nfudduti sfilittari manu manu.

L'aria nni trema, li vigni, l'olivi
si scanzanu pigghiati di spavento!...
... puru li petri sunnu cosi vivi
 e fuinu cchiù pazzi di lu ventu.

L'oceddi nni li campi abbituati
a la paci, l'amuri e lu cunzolu,
lassanu li so' canti appassiunnti
e sbalurduti spincinu lu volu.

Quarchi viddanu spersu nni lu chianu
chi zappa o arata appassiunatamenti,
si jisa e nni saluta cu la manu
pi comu siddu fussimu parenti.

Lu trenu curri, curri a gran carrera,
s'ammucca e sbucca di na gallarla,
mentri lu fumu pari la crinera
d'un cavaddu ca scappa a la fuddia.

E curri, vola! e tutti li rumura
ch'iu sentu nni sta cursa dispirata,
sunnu un turmentu, sunnu na turtura!
E lassu lu me cori strata strata.


         TRISTIZZA

Stasira c'è lu celu annuvulatu,
pari ca fussi fattu di cartuni;
e la luna assimigghia a un lampiuni
d'un velu di tristizza cummigghiatu.

Acqua nun chiovi eppuru c'è vagnatu,
vagnati su li casi e lu straluni,
si vidi ca lu celu è siddiatu:
comu lu cori miu chianci ammucciuni.