Ego Petrus de Vinea, magne imperialis curie judex, specialis procurator et nuntius domini mei Friderici Dei gratia invictissimi Romanorum imperatoris semper augusti, Jerusalem et Sicilie regis, presenti scripto profiteor quod, de speciali mandato antedicti domini mei Frederici et in anima sua corporaliter prestito sacramento, juravi quod antedictus dominus imperator ducet in uxorem legitimam dominam Isabellam, sororem illustris regis Anglie, et quod ipsam in facie Ecclesie solemniter et publice desponsabit et coronabit. De voluntate et speciali mandato antedicti domini imperatoris consensi in predictam dominam Isabellam per verba de presenti, et recepto ab ipsa similiter in prenominatam meum dominum imperatorem consensu per verba de presenti, ad majorem etiam consummationem matrimonii supradicti pro parte prefati domini mei imperatori tradidi supradicte domine sponsionis annulum, et invicem recepi ab ea nomine imperatoris ejusdem, annulum sponsionis. De speciali etiam mandato sepedicti domini mei imperatoris tradidi prefate domine Isabelle in dodarium Vallem Mazarie eum civitatibus et castris, villis, terris cultis et incultis, aquarum decursìbus, tenementis et omnibus juribus et pertinentiis ejus, necnon et honorem Montis Sancti Angeli cnm civitatibus et castris, villis, terris cultis et incultis, aquarum decursibus, tenementis et omnibus juribus et pertinentìis ejus, prout quodlibet de predictis dodariis regine Sicilie integre habere consueverunt. Et eamdem dominam Isabellam de predictis omnibus investivi per patentes imperiales litteras aurea bulla
munitas typario imperialis majestatis impressa. Pro predicta autem domina
nomine dotis recepi promissionem et obligationem domini regis prefati de
triginta millibus marcarum argenti solvendis in locis et tenninis sub ydoneis cautionibus, prout per patentes regias litteras et multorum nobilium
suorum evidenter apparet (1). Salvo quod si Domino avertente contingeret
antefatam dominam vel predictum dominum imperatorem, quod absit, prius
in fata concedere quam prefatum matrimonium per sponsaliorum solemnia
et carnis copulam consummetur, antefatus dominus rex et suecessores sui
sint a predictis obligationibus in perpetuum absoluti, et nihilominus domina supradicta in eo casu, si imperatorem contingeret premori, secure et
libere in regnum Anglie reducatur. Quod etiam sacramentum dominus H.
Coloniensis archiepiscopus et alii nobiles qui ad dominam ipsam recipien-
dam de mandato imperiali in Angliam venerint, corporaliter exhibere debe-
bunt tam de recipienda et desponsanda a domino imperatore domina pre-
dicta quam de ea, si sinister casus accideret, in Angliam libere reducenda.
Quod si forte contingeret dominum imperatorem, quod absit, premori
liberis ex prefata domina non susceptis, tunc secundum regni Sicilie con-
suetudinem sit in electione domine supradicte utrum velit supradictum
dodarium in vita sua tenere, salvo jure et servitio ipsius dodarii debito et
exhibendo heredibus domini imperatoris in regno, vel supradicta triginta
millia marcarum recipere domino imperatori pro dote exsoluta. Promisi
ego preterea prenominatus magister Petrus de Vinea et juravi in anima
imperatoris predicti quod ipse dominus meus imperator die nuptiarum, prout juris et moris est, per annulum assignabit eidem domine dodarium supradictum cum omnibus juribus et pertinentiis suis, prout superius est expressum, et privilegium sibi exinde faciet aurea bulla munitum tipario imperialis majestatis impressa.

Hoc scriptum scripsi ego Angelus magne imperialis curie notarius de mandato sepedicti magistri Petri de Vinea et meo signo signavi, pendenti sigillo ipsius magistri munitum.

Actum apud London, anno dominice incarnationis millesimo ducentesimo tricesimo quinto, et vicesimo secundo die mensis februarii, octava indictione.

(1) Cf. ap. rymer, Ibidem,p. 223, alteram contractus matrimonialis formam sub notis chronologicis eisdem, qua rex Angliae promittit in dotem triginta millia marcarum argenti optimi sterlingorum (ana tredecim solidos et quatuor denarios per marcam) : videlicet tria millia solvenda Petro de Vinea decimo die post resurrectionem Domini proximo venturam; duo millia imperatori vet certo ejus nuntio in festo beati Johannis ejusdem octavae indictionis; quinque millia in festo beati Michaelis proximo venturo; quinque millia in festo Paschae nonae indictionis; quinque millia in festo beati Michaelis sequente; reliqua decem millia in tertio festo Paschae, decimae indictionis. Juraverunt autem et testimoniales litteras ad cautelam imperatoris exbibuerunt Hubertus de Bargo comes Cantiae, Gilbertus marescallus comes de Pembrocia, Radulphus filius Nicholai, Godefridus de Craucumbe, Humfridus comes de Hereford.