Lu salutu di lu pipituni
Si prisintà pi' primu un pipituni
pi dari lu salutu a la signura
ca s'affacciava sempri a lu balcuni
e lu vidìa vulari ad ogni ura.

Vidìannu d'un piràniu lu zuccuni
si misi a pizzulìari dda virdura,
muvìannu la so' chirca di barùni,
cantannu e salutannu, data l'ura.

Commossa d'a prisenza d'un nutaru,
o forsi di lu re l'ambasciaturi
ca iva a salutari 'u zi' Franciscu,
'n'inchìnu fici aprìannu lu fallaru

dicìannu di turnari a tutti l'uri 
c'avìssi ritruvatu un piru friscu.