|
|
Giufà
e la statua di jissu
Si
cunta ca cc'era 'na mamma, e avía un fighiu chiamatu Giufà; sta mamma
di Giafà campava pòghira. Stu Giufà era babbu, e lagnusu e mariuolu:
sô matri avía 'na puocu di tila e cci dissi a Giufà:
- Pigliammu 'na puocu di tila e la
va' a vinni 'ntra un paisi luntanu, e l'ha 'a vìnniri a chiddi pirsuni
chi parlanu picca.
Giufà
si partì' cu la tila 'n cuodda e si nni ij' a vinniri. Arrivatu 'ntra
un paisi accamincià' a vanniairi:
- Cu' voli la tila!
Lu
chiamavanu li genti e accuminciavanu a parlari assai, a cu' cci paria
grossa, a cu' cci paría cara. Giufà cci paría ca parlavanu assà, e
'un cci nni vulia dari. 'Nquà camina di ccà , camina di ddà, si 'nflia
'ntra un curtigliu; ddà nun cc'era nuddu e cci truvà 'na statua di
gghissu, e cci dissi Giufà:
- La vuliti accattari la tila? -
e la statua 'un cci dava cuntu ; 'ntanta vitti ca parlava picca;
-
Ora a vu', ca parlati picca, v'haju a vìnniri la tila. -;
pigghia la tíla cci la stenni di supra:
-
Ora dumani viegnu pri li grana - , e si nni ij'.
Quannu
agghiurnà', cci ij' pri li grana, e tila 'un ni truvà, e cci dicia:
- Dûnami li grana di la tila -
, e la statua 'un cci dicia nenti.
-
Già ca 'un mi vò dari li grana, ti fazzu vìdiiri cu sugnu ia;
si 'mbresta un zappuni e va mazzia la statua fina ca l'allavancà,
e nni la panza cci trova 'na baccaredda di dinari; si menti li dinari
nni lu saccu e si nni va nni sò mà'; arrivannu, a sò mà' cci dissi :
-
La vinnivu la tila ad una chi nun parlava, e grana a la sira 'un mi nni
detti; puà cci jivu la matina cu lu zappuni, l'ammazzavu, la jittavu 'n
terra e mi detti sti dinari.
La
mamma, ca era 'sperta, cci dissi:
- 'Un diri nenti, ca a puocu a puocu nni iemmu manciannu sti dinari.
|
|