Comu lu luci, ‘mmiazzu li chiusi, lu suli avvampava,
e tannu lu travaglio era ‘na cruci ....
Calata ‘nterra, tu t’affannavi a cogliri li spichi,
‘ntramenti ca iu scinniva di la serra.
Juntu a la lenza,
fu tò maritu ca, lintannu, dissi:
- Vivemmu a la saluti di voscenza! -
Iu taliannu
ddi tò mani, manciati di lu suli:
- La grazia c’è pi tutti, - dissi, - aguannu.
Larghi li manu! -
- La bedda matri sempri cci lu renni -
mi dicisti tu allura chianu, chianu, ni lu passari;
e iu mischinu, mancu arrispunniva,
ca dintra tuttu mi sintia avvampari.
