LE POESIE di  G. P.
 

LU FATTU DI DON 'NZOLU       "A medici,cunfissuri ed avvucati, si dici la viritati"   (Proverbiu) -  Baciu li mani, Dutturi!   - Vi salutu...ch'avemu'?…  - 'Na firita tegnu in culu... - Calativi li càusi... via Don 'Nzulu,   videmmu siddu pozzu darvi aiutu.   Cappari!. Ccà l’arrizzu è distrudutu...   chi ci trasì quarchi minchia di mulu?   Parlati chiaru; semmu sulu a sulu,   lu mèdicu è cunfissuri arrinisciutu.  - Signuri miu: cadivu malamenti   e scattiavu 'ncapu un tavulatu;   ddà c’era un chiovu tantu sciutu 'nfori,   e m’appizzau 'nculu, svinturatamenti...   Eccu la storia mia in quattru palori;   vidissi quantu sù disqraziatu? - Sintiti ccà! Don 'Nzulu, iu parlu chiaru...   stu dannu chi cci aviti... nun mi pari...   chi un chiovu tantu lu putissi fari;   iu ni dubitu forti, amicu caru:   Haju n'unguentu, spiciali e raru   pi sti firiti, ma si pò sbagliari,   e s’ 'un è chiaga di ferru, pò arrivari   a fari cancarena, e... addiu pagliaru!    Perciò senza affruntarivi, parlati   si fu minchia o chiovu, ed iu vi curu:   siddu 'ngannati a mia, vui vi 'ngannati. - La viritati è chista, e ci lu juru,   comu chiovu fu chiovu, ma Vossia   la curassi pi minchia e accussì sia.