POETI E CANTI POPOLARI di MONTEDORO

 

SALVATORE CORDARO

Inteso "Lu Sagristanu "

Salvatore Cordaro nacque a Montedoro da Mastro Andrea e da Angela Castelluccio il 25 agosto del 1826 e vi morì il 17 agosto del 1888.

Il suo mestiere era quello di barbiere, come lo erano stati i suoi avi e poi lo furono i suoi figli; per molti anni fece il sacrista e questo nuovo mestiere divenne il suo nomignolo.

Fu uomo faceto, grossolano, amante della baldoria e dei divertimenti.

Frequentava le bettole dove impegnava lotte assordanti, piene di lazzi e di scurrilità, con i suoi avversari in poesia: Alfano - La Vicchiera, Calogero Randazzo, Baruni, ed altri dilettanti di improvvisare" (G. Petix).

Cessato il flagello del colera a Montedoro nel 1867, il Cordaro assieme a Salvatore Alfano, detto La Vicchiera, composero un poemetto sul terribile flagello che tanto lutto apportò al piccolo paese.

Non lasciò nulla di scritto delle sue composizioni poetiche benché sapesse leggere e scrivere ed amasse definirsi "lu dottu Curdaru".

 



         
Sul suo impiego di sacrista

San Ciseppi, la Madonna e lu So Figliu
li grazii mi li fannu misi 'n sogliu;
la genti porta cira ed iu la pigliu
la cira cula cira ed iu la cùagliu!
Lu primu, la matina, mi sdruvigliu
e l'urtimu la sira m'arricùagliu!
All'organu ci cantu 'n contrappigliu
e la notti... pi forza mi cummùagliu!

Contro i poeti suoi avversati

Quantu pueti aguannu chi scuvaru! ca la greia niscì di lu Drugheri! Gaitanìaddu, scravagliu mirdaru, e la Vicchiera, omu di fumìari!
Baruni, ca mi fa lu saccunaru
mastru Vicìanzu, ch'è sceccu fristìari. Ma vi lu dici lu dottu Curdaru
di frunti ad iddi passati pi zeri!

Contro il Poeta Alfano-Vicchiera

Ti vitti a la pirrera carriari
e dissi tra di mia: Vicchiera è sceccu!
Ti vitti a la campagna a lavurari
nun scumparìatu allatu di lu sceccu.
Ora ti viu li strati annittari
e mi ni addugnu di quantu si sceccu
Cuietati lu senzu, 'un dubitari
unni ti minti minti, arrìasti sceccu!

Contro un tale che lo aveva insultato

Vaiu girannu a lu leccu a lu leccu
viju la sorti tua, facci di loccu!
Asciavu un paru di corna di beccu sacciu ca sunnu tua e nun li tùaccu!
Si vo sapirì cu ti fici beccu
li corna ti li fici Peppi Agghiaccu. Mastru Sciaveriu ci dissi a Don Roccu — cu nasci crastu, avi a muriri beccu! -Ed iu, cu li ma mani nun li tùaccu
mi li vinnu a la fera a Sadifarcu!

Scherzo - Un ragazzo era entrato in Chiesa con la brocca sulle spalle.

A vu, cumpari, cu 'sa cresia 'n cùaddu
chi iti facìennu quartara-quartara?
Sunati 'si cannili — addumati 'si campani ca a li vinticincu di Paula
è San Franciscu d'Abrili!

lu sugnu vattiatu cristianu
e comu tali mi vivu lu vinu!
Sìarbu la missa e sugnu  sagristanu
e sùanu mazzijùarnu e matutinu! Sugnu chiamatu : lu dottu Curdaru
e numinatu ni lu cummicinu.
Tu si cagnùalu, vasami la manu
e ti cumannu a pagari lu vinu!

Per la morte del Capraio Antonio Lombardo detto Vampa.

Quannu è ca muri 'Ntoniu Vampa
li crapi ci 'mpincìaru timpa-timpa.
E la Pacidda di la fami allampa
eni arriddutta comu vecchia nimpa!
Ni lu stomacu so ci avi 'na grampa
e mancu ci passava acqua limpia
Accussì — si lamintava — nun si campa
cu lu cridia finiri, accissì tinta!

Contro Calogero Marranca, inteso "pudditru"

Sceccu, pudditru; mariùalu e latru
ci l'arrubbasti li chiavi a San Pìatru
Ci li mintisti darrìari lu quatru, sceccu, pudditru, mariùalu e latru!

In risposta al Cardinale Guarino, suo coetaneo, il quale gli chiedeva e della sua musa e della moglie in seconde nozze dalla quale il poeta si era già diviso.

So, 'Ccillenza mi dumanna di la Musa?
Sta sempri all'erta e fa la so difisa!
E' veru capigliavu nova spusa
Pi essiri sirvutu e darci spisa,
Iu sugnu vìacchiu, idda era carusa
Livari mi vulia la cammisa.....
Haiu fattu 'na pinzata graziusa
mi ni turnavu sulu a la ma casa!