LU TIMPURALI

La paura di mio zio Ludovico per un improvviso e
violento temporale estivo. Temendo lampi e tuoni,
era solito "isolarsi" sopra una panca di legno.
 

Ddà jurnata tantu càllu facìa
ca cchiù càllu è impussibili fari,
ca lu suli dall'ariu pinnìa
mancu fussi un lampiuni d'a via.

Tutt'a un trattu s'ascurà lu suli,
quasi li stiddi si vidìanu 'ncìalu,
un forti vìantu si livà a punenti,
jùarnu già era, ma notti qualimenti.

Gridava Tanu di trasiri la mula,
urlava Nina d'arritrari i panni,
currìanu i cani, santavanu i jiumenti,
china la vìa di tanti trona e lampi.

Lu zì Dduvìcu ca scantusu era,
'ncàpu 'na panca s'arritrà in prighiera,
cummigliatu di li pìadi finu a la testa,
sicuru ca la so fini era ormai lesta.

La fini u munnu parìa fussi arrivata
doppu un lampu scasciava na truniata,
cchiù forti di dda bumma amiricana
chavìa scuppiatu vicinu a dda funtana.

Tutt'a un trattu li trona si carmaru,
lu suli arripiglià lu supravvìantu,
li stiddi si nni ìaru unni nun sacciu,
la genti si truvà fori d'impacciu.

Turnaru li carusi fori a jucari,
la genti arripiglià ogni sò affari,
Ninetta accumincià a stènniri i panni,
e lu suli già abbruciava a tutti banni.

Lu zi Dduvicu ca mùartu si cridiva
rijì la testa, vidìannu a genti viva.
La fini du munnu ca parìa arrivata
pi chista vòta nun ci avìa stata.

Allura s'arrisbiglià tuttu cuntenti
e niscì fòri pi cuntrullari l'eventi.
Talià lu cìalu senza diri nenti,
ma pinsava cu a testa tintinnanti:

"Chi minchia fà, cugliunìi, 
            cìalu fetenti!
".