CAP 1
Comu successi ca mastru Ciliegia, falignami, truvò un pìazzu
di lignu, ca cianciva e ridiva comu un carusìaddu.
CAP 2
Mastru Ciliegia rigala ddu pìazzu di lignu a lu so' amicu
Geppettu, ca si lu piglia pi fabbricarisi un pupu
miravigliusu ca sapissi ballari, ca sapissi tirari di scherma e
fari santi murtali.
CAP 3
Geppettu, turnatu a la so’ casa, accumincia subbitu a
fabbricari un pupu e lu chiama Pinocchiu. Primi birbantati d'u pupu.
CAP 4
La storia di Pinocchiu e lu Griddu-parlanti, unni si
vidi comu li carusi tinti s'annoianu a sèntirisi addrizzari di cu' ni
sapi cchiossà d'iddi.
CAP 5
Pinocchiu havi fami, e cerca 'n ùavu pi farisi 'na
frittata; ma 'ntra lu cchiù bellu, la frittata cci vola di la finestra.
CAP 6
Pinocchiu s'addrummisci cu li pìadi ni la bracera, e la matina doppu
s'arriviglia cu li pìadi abbruciati.
CAP 7
Geppettu torna a la casa e cci duna la culazioni ca ddu mischinu s'avìa purtatu pi iddu.
CAP 8
Geppettu rifà li pìadi a Pinocchiu e vinni la so' giacca pi accattàricci
l'Abbeccedariu.
CAP 9
Pinocchiu si vinni l'abbeccedariu pi jiri a vìdiri lu teatrinu di li pupi.
CAP 10
Li pupi ricanùscinu Pinocchiu comu so’ frati e cci fannu ‘na grannissima festa; ma ni lu cchiù
bellu, nesci fori lu puparu Mangiafùacu, e Pinocchiu pi picca nun fa ‘na brutta fini.
CAP 11
Mangiafùacu starnatusci e pirduna a Pinocchiu, ca pùa adddifènni di
la morti lu so’ amicu Arlecchinu.
CAP 12
Lu puparu Mangiafùacu rigala cincu muniti d'oru a Pinocchiu, pi
purtarli a so' patri Geppettu: e Pinocchiu, inveci, si lassa cugliuniari
di la Vurpi e di lu Gattu e si nni va 'nsiemi a iddi.
CAP 13
L'osteria di lu Gammaru russu.
CAP 14
Pinocchiu, pi nun avìru ascuntatu li boni cunsigli di lu
Griddu-parlanti, 'ncontra l'assassini.
CAP 15
L’assassini assicùtanu Pinocchiu; e, doppu ca lu jiùncinu, l’appìanninu
a ‘nu ramu di la Quercia granni.
CAP 16
La bedda Carusa cu li capiddi turchini fa pigliari lu pupu: lu minti a lìattu,
e chiama tri mìadici pi sapiri s’è vivu o mùartu.
CAP 17
Pinocchiu mancia lu zuccaru, ma nun voli purgàrisi: quannu però vidi
li becchini ca vìannu pi purtarisìllu, allura si purga. Pùa dici 'na
farfanterìa e pi castigu cci crisci lu nasu.
CAP 18
Pinocchiu ritrova la Vurpi e lu Gattu, e va cu iddi a siminari li
quattru muniti ni lu Campu di li Miraculi.
CAP 19
Pinocchiu è arrubbatu di li so' muniti d'oru e, pi castigu, si piglia
quattru misi di prigiuni.
CAP 20
Libbratu di la prigiuni, si minti in viaggiu pi turnari a la casa di la
Fata; ma pi la strata 'ncontra un serpenti orribbili, e pùa resta 'ngagliatu
ni la trappula.
CAP 21
Pinocchiu veni pigliatu d'un viddanu, ca lu custrinci a fari lu cani di
guardia a un puddaru.
CAP 22
Pinocchiu scopri li latri e, pi ricumpenza d'essiri statu fideli, veni
libbratu.
CAP 23
Pinocchiu chianci la morti di la Carusa cu li capìddi turchini: pùa
trova 'na Palumma ca lu porta ni la spiaggia di lu mari, e ddà si jetta
ni l'acqua pi aiutari so' patri Geppettu.
CAP 24
Pinocchiu arriva all'isula di li Api industriusi e ritrova la so' Fata.
CAP 25
Pinocchiu prumitti a la Fata di essiri bùanu e di studiari, pirchì è
stancu di fari lu pupu e voli divintari un bravu carusu.
CAP 26
Pinocchiu va cu li cumpagni di scola ni la spiaggia di lu mari, pi vìdiri
lu terribbili Piscicani.
CAP 27
Granni battaglia fra Pinocchiu e li so' cumpagni: unu d'iddi resta
firutu, e Pinocchiu veni arristatu di li carrabbinera.
CAP 28
Pinocchiu curri lu periculu d'essiri frijùtu intra 'na padedda comu un
pisci.
CAP 29
Ritorna ni la casa di la Fata, ca cci prumminti ca lu jùarnu doppu nun
sarà cchiù un pupu, ma havi addiventari un carusu. Granni culazioni di
cafè e latti pi festeggiari 'stu granni eventu.
CAP 30
Pinocchiu, inveci di divintari carusu, parti a l'ammucciuni cu lu so'
amicu Lucignulu pi lu paisi di li Balocchi.
CAP 31
Doppu cincu misi di cuccagna, Pinocchiu, cu so' granni meraviglia, senti
ca cci spunta un biaddu paru di gricchi asinini e diventa u sciccuzzu,
cu la cuda e tuttu.
CAP 32
A Pinocchiu cci criscinu li gricchi di sceccu, e pùa diventa u'
sciccuzzu veru e accumincia a ragliari.
CAP 33
Diventa un veru sciccuzzu, veni vinnutu, e l’accatta lu diretturi di
‘na cumpagnia di pagliacci pi ‘nsignaricci a ballari e santari li
circuna; ma ‘na sira s’azzoppa e allura l’accatta ‘n’àutru,
pi fari cu la so’ peddi un tammuru.
CAP 34
Pinocchiu, jittatu ni lu mari, è manciatu di li pisci e ritorna a
essiri pupu comu prima; ma mentri nata pi sarvàrisi, è manciatu di lu
terribbili Pisci-cani.
CAP 35
Pinocchiu ritrova ni lu cùarpu di lu Pisci-cani … Cu ritrova? Liggiti
'stu capitulu e lu sapiti.
CAP 36
Finarmenti Pinocchiu finisci d'essiri un pupu e diventa un carusu.
